ថ្លើមធំណាស់លោកបារាំងហ៊ានបើកលេងជល់មាន់និងអាប៉ោងទៀតមិនខ្លាចកូវីដសោះ

(ខេត្តព្រះសីហនុ) តាមប្រភពពីប្រជាពលរដ្ឋបានបង្ហើបឲ្យ អង្គភាពសារព័ត៌មានយើងខ្ញុំអោយដឹងថា ម្ចាស់សង្វៀននោះមានឈ្មោះ អាបារាំង នាក់ទៀតឈ្មោះជន ទោដែលជាអ្នកកាងល្បែងជល់មាន់និងអាប៉ោងប្រចាំភូមអូរប្រាំងនៅទីនោះ ផងដែរ ។

ហើយបច្ចុប្បន្ននេះមានសង្វៀនជល់មាន់មួយកន្លែង បើកលេងយ៉ាងអនាធិបតេយ្យស្ទើរតែរៀងរាល់ថ្ងៃ ដែលមានទីតាំងស្ថិតនៅ ត្រង់ចំណុចភូមិអូរប្រាំង សង្កាត់លេខ04ខេត្តព្រះសីហនុ។

ទោះបីសម័យកូវីដ១៩នេះផ្ទុះយ៉ាងខ្លាំងក្លាយ៉ាងណាក៏ដោយ ហើយថ្នាក់ដឹកនាំលោកខំប្រឹងប្រែងយកចិត្តទុក្ខដាក់ធ្វើការទប់ស្កាត់ នៅជំងឺដ៏កាចសាហាវនេះ និងបានបិទគ្រប់ទីកន្លែងទាំងអស់ដែលមានការជួបជុំគ្នាមិនថាក្លឹបកំសាន្ត កាស៊ីណូ ឬកន្លែងកាហ្វេអីុនធើណែត ខារ៉ាអូខេ និង មិនឲ្យជួបជុំគ្នាផឹកស៊ីយ៉ាងណាក៏ដោយ ក៍នៅក្នុងសង្កាត់04ខេត្តព្រះសីហនុមួយនេះ នៅតែបណ្ដោយឲ្យមានសង្វៀនជល់មាន់និងអាប៉ោងលេងយ៉ាងអនាធិបតេយ្យ ដោយលេងមិនខ្លាចញញើតសមត្ថកិច្ចនៅក្នុងមូលឋានសង្កាត់04ខេត្តព្រះសីហនុសោះ! ។

ហេតុដូច្នេះហើយបានជាប្រជាពលរដ្ឋសំណូមពរទៅឯកឧត្តមអភិបាលនៃគណៈអភិបាលខេត្តនិងលោកស្នងការខេត្តព្រះសីហនុ ព្រមទាំងមេបញ្ជាការកងរាជអាវុធហត្ថខេត្តព្រះសីហនុ មេត្តាជួយទុបស្កាត់និងបង្ក្រាបសង្វៀនបញ្ជល់មាន់និងអាប៉ោងមួយកន្លែងនេះផងទាន។

ចុះដើម្បីកាត់បន្ថយនៅការរីករាលដាលនៃជំងឺកូវីដ19 នេះផងទានដើម្បីរួមចំណែកជាមួយនឹងប្រមុខរដ្ឋាភិបាលព្រមទាំងក្រសួងសុខាភិបាល។ ចុះផ្សាយថ្ងៃទី29 03 2021