ចាងហ្វាងការផ្សាយ ៖ លោក ជា អេងឡុង / ទំនាក់ទំនងព័ត៌មាន និងផ្សាយពាណិជ្ជកម្ម Tel: 012 460 991 / 088 85 222 80 / 010 460 991
ព័ត៌មាន​ថ្មី
មានការភ្ញាក់ផ្អើលមួយកើតឡើងទាំងព្រឹក ចូលចាក់សាំងមិនប្រុងប្រយ័ត្នធ្វើឲ្យមានអគ្គីភ័យឆាប់ឆេះកើតឡើង..! - គួរឱ្យរន្ធត់ណាស់ ក្មេងរត់ឆ្លងផ្លូវត្រូវរថយន្តដឹកឥដ្ឋបុកស្លាប់ភ្លាមៗតែម្ដង.......! - មានការភ្ញាក់ផ្អើលមួយ ករណីករណីអគ្គិភ័យបានឆាបឆេះរោងចក្រផលិតប្រអប់បាយមួយកន្លែង ស្ថិតនៅភូមិព្រៃស្ពឺ​ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ... - អភិបាលខេត្តកណ្តាល ជំរុញអ្នកធ្វើចត្តាឡីស័កទាំងអស់ នៅស្រុកកណ្តាលស្ទឹង គោរពតាមវិធានការណែនាំ របស់ក្រសួងសុខាភិបាល - គិតត្រឹមម៉ោង៦ល្ងាច ថ្ងៃទី០៩ ខែធ្នូនេះ រាជរដ្ឋាភិបាលទទួលបានថវិកាពីសប្បុរសជនសរុបជាង ៣៦,៨លានដុល្លារ ដើម្បីទិញវ៉ាក់សាំងកូវីដដំណាក់កាលដំបូង - ឧបនាយករដ្ឋមន្រ្តី អូន ព័ន្ធមុនីរ័ត្ន និងលោកជំទាវ អ៉ឹម ប៉ូលីកា បរិច្ចាគថវិកា៣ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំងកូវីដ១៩ - ឧត្តមសេនីយ៍ឯក ហ៊ុន ម៉ាណែត ជួបប្រជុំតាមរយៈប្រព័ន្ធវីដេអូ ជាមួយមេបញ្ជាការកងទ័ពជើងគោកសិង្ហបុរី - សម្តេចតេជោ ហ៊ុន សែន សម្រេចផ្តល់ម៉ាស១លាន៥ម៉ឺន និងសម្ភារបរិក្ខាពេទ្យមួយចំនួនទៀត ដល់ប្រទេសទីម័រលេស្ - កងទ័ព ១៣៣នាក់ ត្រូវបានពង្រឹងសមត្ថភាព លើការងារសង្គ្រោះគ្រោះមហន្តរាយ - ឧត្តមសេនីយ៍ទោ ទៀប ប៊ុនលាភ នាំសម្ភារបង្ការមេរោគកូវីដ-១៩ ប្រគល់ជូនប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត

លោក ហ៊ុន ម៉ានី ប្រកាសបើកយុទ្ធនាការភ្នំពេញស្អាត ឆ្នាំ២០២០ ជាមួយនឹងពាក្យស្លោកគន្លឹះ «ស្អាតជាទម្លាប់ថ្មី»

(ភ្នំពេញ)៖ «យុទ្ធនាការភ្នំពេញស្អាត» ដែលជាផ្នែកមួយនៃ «គម្រោងស្អាត» បានត្រឡប់មកវិញហើយ ជាមួយនឹងពាក្យស្លោកគន្លឹះ «ស្អាតជាទម្លាប់ថ្មី»។

ពិធីនេះបានប្រព្រឹត្តទៅនៅថ្ងៃទី០៤ ខែវិចិ្ឆកា ឆ្នាំ២០២០ នៅសាលធំអគារមជ្ឈមណ្ឌលជាតិហ្វឹកហ្វឺនកីឡាថ្មី ក្រោមអធិតីភាព លោក ហ៊ុន ម៉ានី សមាជិកនៃរដ្ឋសភា និងជាសហស្ថាបនិកនៃគម្រោងស្អាត។

យុទ្ធនាការនេះ ក្នុងបុព្វហេតុលើកកម្ពស់ការយល់ដឹងឲ្យកាន់តែស៊ីជម្រៅ អំពីបច្ចុប្បន្នភាពនៃ «ពាក្យស្អាត» ក្នុងបរិបទកូវីដ១៩ សម្រាប់ដំណើរការប្រព្រឹត្តទៅ នៃយុទ្ធនាការភ្នំពេញស្អាតឆ្នាំ២០២០នេះ។

ចាប់តាំងពីជំងឺរាតត្បាតសកលកូវីដ-១៩ បានអុកឡុកប្រជាជាតិ ក្នុងពិភពលោកទាំងមូលក្នុងអំឡុងការបើកទំព័រទសវត្សរ៍ថ្មីមក «ភាពស្អាត» បានក្លាយជានិន្នាការសាកលមួយ និងជាទម្លាប់ថ្មីមួយ ដែលមនុស្សជាតិត្រូវការ និងប្រកាប់ខ្ជាប់ជាចាំបាច់។

ដើម្បីជាការចូលរួមចំណែកជាមួយ អង្គការសុខភាពពិភពលោក និងក្រសួងសុខាភិបាល, យុទ្ធនាការភ្នំពេញស្អាត ក្រោមទិសស្លោកថ្មីប្រចាំឆ្នាំនេះ នឹងចូលរួមលើកទឹកចិត្តឱ្យមនុស្សសម័យថ្មីប្រតិបត្តិនូវគោលការណ៍អនាម័យស្អាត និងវិធានការសុវត្ថិភាព ពីការឆ្លងកូវីដ១៩ រួមមានពាក់ការពាក់ម៉ាស ឱ្យបានជាប់លាប់នៅពេលចាំបាច់ ឧស្សាហ៍លាងដៃជាមួយសាប៊ូ អាល់កុល ឬជែល រក្សាគម្លាតសង្គម ចៀសវាងការប៉ះពាល់ ជាមួយសត្វ ឬអ្នកជំងឺក្អក និងគ្រុនក្ដៅជាដើម។

បន្ថែមពីលើនេះ «ភាពស្អាតដែលជាទម្លាប់ថ្មីនេះ» បានផ្សារភ្ជាប់ខ្លួនយ៉ាងពិតប្រាកដជាមួយនឹងការទុកដាក់ និងគ្រប់គ្រងសំរាមឱ្យបានត្រឹមត្រូវ ដែលជាបេសកកម្មចម្បង នៃយុទ្ធនាការភ្នំពេញស្អាតចាប់តាំងពីការបង្ហាញខ្លួនជាលើកដំបូងនៅឆ្នាំ២០១៧។

ក្រុមការងារប្រតិបត្តិនៃយុទ្ធនាការភ្នំពេញស្អាតក៏បានបង្កើតកម្មវិធី ប្រកួតប្រជែងគម្រោងទស្សនាទាន «សាលាបរិស្ថានស្អាត» ដើម្បីបើកឱកាសឲ្យសិស្សានុសិស្សនៅតាម វិទ្យាល័យរដ្ឋ និងឯកជន ព្រមទាំងនិស្សិតនៅតាមសាកលវិទ្យាល័យមួយចំនួនក្នុងរាជធានីភ្នំពេញ បានបញ្ចេញស្នាដៃ បទពិសោធន៍ និងការយល់ដឹងក្នុងវិស័យបរិស្ថាន។

ក្នុងនោះដោយឈរលើស្មារតីច្នៃប្រឌិត គំនិតជឿនលឿន ក៏ដូចជានវានុវត្តន៍ក្នុងបរិបទបដិវត្តន៍ឧស្សាហកម្ម៤.០ ដើម្បីឈានទៅរក «អនាម័យស្អាត» «មេត្រីភាពបរិស្ថាន» ក៏ដូចជាការទុកដាក់ និងគ្រប់គ្រងសំរាមឱ្យបានត្រឹមត្រូវ ដោយមានភាពម្ចាស់ការលើខ្លួនឯង ក្នុងការបំពេញកាតព្វកិច្ចជាពលរដ្ឋគំរូ។

បន្ថែមលើផែនការសកម្មភាព «សាលាបរិស្ថានស្អាត», យុទ្ធនាការភ្នំពេញស្អាត បានពាំនាំនូវគំនិតច្នៃប្រឌិតថ្មី ដើម្បីជំរុញការផ្សព្វផ្សាយឱ្យបានទូលំទូលាយ។

ជាក់ស្ដែង នៅឆ្នាំ២០២០នេះ ក៏មានការផលិតវីដេអូ «ខ្សែភាពយន្តបែបអប់រំ និងមនោសញ្ចេតនាខ្លី បង្កប់ទឹសស្លោកថ្មីស្ដីពី ស្អាតជាទម្លាប់ថ្មី» ដើម្បីចាក់ផ្សាយនៅតាមបណ្តាញ ទំនាក់ទំនងសង្គម និងប្រព័ន្ធផ្សព្វផ្សាយនានា, ការផលិតវីដេអូ Challenge នៅក្នុងកម្មវិធី Tik Tok ព្រមទាំងវីដេអូមោទនាភាព «ខ្ញុំស្អាត- ស្អាតជាទម្លាប់ថ្មី» ដើម្បីទាក់ទាញ យុវជនឱ្យចូលរួមលេងកម្សាន្ត និងផ្សព្វផ្សាយពីភាពជាគំរូក្នុងការទុកដាក់សំរាមឱ្យបានត្រឹមត្រូវ។

ជាមួយគ្នានោះ កម្មវិធីហ្គេមឈ្នះរង្វាន់ ព្រមទាំងកម្មវិធី QR Codeលើទូរស័ព្ទដៃ និង Animated Infographic មួយចំនួនផងដែរនៅលើគេហទំព័រថ្មីរបស់យុទ្ធនាការភ្នំពេញស្អាតនៃគម្រោងស្អាត។

សូមជម្រាបផងដែរថា ឆ្នាំនេះគឺជាឆ្នាំទី៤នៃ «យុទ្ធនាការភ្នំពេញស្អាត» ដែលតែងតែធ្វើឡើងនូវរៀងរាល់ឆ្នាំ ក្នុងអំឡុងខែវិច្ឆិកា ដែលត្រូវយុទ្ធនាការនេះប្រសិទ្ធនាមថាជា «ខែស្អាត»

«យុទ្ធនាការភ្នំពេញស្អាត» ត្រូវបានបង្កើតឡើងដោយសហស្ថាបនិកចំនួន៦រូប ដែលក្នុងនោះមាន លោក ហ៊ុន ម៉ានី លោកស្រី ទេព កូលាប លោក ជី សិលា លោកស្រី ជា សុផល្លា លោក ហៃ ភិរម្យ និងលោកស្រី ហេង ធីតា ដែលបានផ្តួចផ្តើមគំនិតនៅក្នុងការបង្កើតគម្រោងនេះឡើង។

នៅឆ្នាំ២០២០នេះ យុទ្ធនាការភ្នំពេញស្អាតនៃគម្រោងស្អាត បានទទួលកិច្ចសហការ និងការឧបត្ថម្ភគាំទ្រ ក៏ដូចជាការជួយជ្រោមជ្រែងយ៉ាងពេញទំហឹងពីក្រសួងបរិស្ថាន និងរដ្ឋ បាលសាលារាជធានីភ្នំពេញ ព្រមទាំងក្រសួងអប់រំយុវជន និងកីឡា ដែលបានជួយសហការ និងគាំទ្រនៅក្នុងគម្រោងទស្សនាទាន «សាលាបរិស្ថានស្អាត»

«យុទ្ធនាការភ្នំពេញស្អាត» ក៏ទទួលបានកិច្ចសហការពីបណ្តាក្រសួងពាក់ព័ន្ធ ស្ថាប័នរដ្ឋ ក្រុមហ៊ុនឯកជន សមាគម អង្គការមិនមែន រដ្ឋាភិបាល បណ្តាគ្រឹះស្ថានអប់រំ ពីមធ្យមសិក្សារហូតដល់ឧត្តមសិក្សា ទាំងរដ្ឋ និងឯកជន ព្រមទាំងពីសំណាក់សាធារណជនផងដែរ៕

c1 c2 c3

Filed in: ព័ត៌មានជាតិ

Recent Posts

Bookmark and Promote!

សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ Tel: 012 460 991 / 088 85 222 80 / 010 460 991

រក្សាសិទ្ធិ​គ្រប់យ៉ាង ដោយ បារមី ភ្នំជីសូរ ធីវី អនឡាញ

"បារមី ភ្នំជីសូរ ធីវី អនឡាញ" ដំណើរការ​តាមប្រកាសលេខ ..... ពមប្រក ចុះថ្ងៃទី ..... ខែ ..... ឆ្នាំ ២០១៧

ទីស្នាក់ការ ស្ថិតនៅ ផ្លូវលំ ភូមិត្រពាំងស្វាយ ឃុំតាភេម ស្រុកត្រាំកក់ ខេត្តតាកែវ

Tel: 012 460 991 / 088 85 222 80 / 010 460 991

Copyright © 2015 Donkeo News, All right Reserved